BBC-aanbieder in verkragting-skandaal

2013-01-23 11:39

Londen – Die Britse polisie het Dinsdag een aanklag van verkragting en 14 van onsedelike aanranding teen die veteraan- BBC-aanbieder Stuart Hall aanhangig gemaak.

Die misdade is glo tussen 1967 en 1986 gepleeg.

Tien meisies tussen die ouderdom van nege en 16 word by die aanrandingsklagte betrek, terwyl die aanklag van verkragting verband hou met bewerings deur 'n vrou wat 22 jaar oud was toe die voorval in 1976 plaasgevind het.

Hall is Dinsdag in hegtenis geneem. Hy is op borgtog vrygelaat en sal op 7 Februarie in die hof in Preston verskyn.

Die 83-jarige veteraan-aanbieder het vroeër die maand in die hof verskyn op drie aanklagte van onsedelike aanranding. Hy het onskuldig gepleit op dié aanklagte.

Hall is al meer as 50 jaar by die BBC betrokke.

– Volg Nuus24 op Twitter
 

- Sapa - AFP