Avatar maak plek vir nuwe nr.1
2010-02-08 05:20
Los Angeles – Die wetenskapsfiksie Avatar moes hierdie week plek maak vir ‘n nuwe nommer een by die loket.
Dear John is gebaseer op Nicholas Spark se roman met dieselfde titel, wat handel oor ‘n langafstand verhouding tussen ‘n soldaat en sy geliefde. Channing Tatum en Amanda Seyfried vertolk die hoofrolle.
Dié rolprent het sy debuut met $32.4 miljoen (sowat R251 miljoen) gemaak en Avatar na sewe weke as nommer een, na die nommer twee posisie laat skuif.
James Cameron se Avatar het dié regisseur se rekord vir die rolprent Titanic geklop en sowat $2.2 biljoen (sowat R17 miljard) wêreldwyd ingehark.
- Sapa