Aus-omroepers dalk nie aangekla

2012-12-28 14:14

Sydney, Australië – Die twee Australiese omroepers wat 'n fopoproep na die hospitaal gemaak het waar prins William se swanger vrou, Catherine, behandel is sal heel waarskynlink nie vervolg word nie, het die polisie Vrydag gesê.

Jacintha Saldanha het die telefoon beantwoord toe omroepers van Sydney se 2Day FM gebel het en die stem van koningin Elizabeth II en prins Charles nagemaak het. Saldanha het toe die telefoon aan 'n kollega gegee en dié het toe inligting oor Catherine se gesondheid aan hulle verskaf.

Saldanha is drie dae daarna dood gevind.

Brittanje se Scotland Yard het 'n leêr na die Crown Prosecution Service (CPS) gestuur om te besluit of die twee omroepers Mel Greig en Michael Christian vervolg moet word.

Maar Nieu-Suid-Wallis se adjunk-polisiekommissaris Nick Kaldas het gesê Scotland Yard het nie vir verdere inligting gevra of om 'n onderhoud met die twee omropers te voer nie, wat reeds op televisie om verskoning gevra het.

"Daar was na die dood van Jacintha Saldanha kontak gemaak maar nie weer daarna nie, en weens die tyd wat reeds verbygegaan het, is dit onwaarskynlik dat hulle aangekla gaan word."

– Volg Nuus24 op Twitter.

- AFP