Arrested Development-span terug vir nuwe seisoen

2012-01-30 14:00

Los Angeles – Die skrywer van Arrested Development sê al die akteurs van dié skreeusnaakse televisiereeks is gereed vir ‘n nuwe seisoen.

Dean Lorey het bevestig dat die nuwe seisoen die oorspronklike rolverdeling sal bevat.

Dit het aan die einde van verlede jaar aan die lig gekom dat die program sal terugkeer vir nog ‘n seisoen en dat ‘n weergawe van die reeks vir die silwerdoek ook vervaardig gaan word. Daar was egter twyfel oor watter karakters weer hul verskyning sal maak.

Lorey het op sy blog bevestig dat die oorspronklike karakters sal terugkeer en dat die seisoen tans geskryf word, het NME berig.

Arrested Development is oorspronklik tussen 2003 en 2006 op die Amerikaanse netwerk Fox uitgesaai.

Dié reeks met Jason Bateman en Michael Cera het destyds ses Emmy-toekennings en een Golden Globe gewen.

Lees meer hier

Volg Nuus24 op Twitter