Amor: My lewe sonder Joost
2010-12-10 11:39
Kaapstad – In ‘n eksklusiewe onderhoud met Huisgenoot praat Amor Vittone van haar lewe sonder haar vervreemde man, Joost van der Westhuizen.
Ná ’n jaar waarin Vittone en Van der Westhuizen se huwelik op die rotse beland het, vertel dié sangeres dat sy opnuut geluk gevind het.
Vittone, wat ook deesdae vroue landwyd met motiveringspraatjies inspireer, lig onder meer die sluier dat Van der Westhuizen nog onlangs by haar wou weet of hulle nog moet skei.
“Ek het Joost baie kanse gegee om ons huwelik te red en hy het hulle verspeel,” het sy aan Huisgenoot gesê.
“Dis asof ek ’n hergeboorte beleef.”
Sy werk ook tans aan ‘n nuwe CD, oor ‘n nuwe begin, wat haar nuwe platemaatskappy, Maroela Musiek, gaan uitreik.
“Dit voel asof ek weer lewe,” sê sy.
Sy onthul ook dat sy nie tans in ‘n verhouding is nie.
Lees meer en sien ‘n video-onderhoud met Vittone hier.