Amerikaner betaal duisende vir Elvis se Bybel
2012-09-10 10:15
'n Bybel wat aan die ontslape sanger Elvis Presley behoort het, is op 'n veiling vir $94,000 (sowat R769 000) in Stockport, in die noordweste van Engeland verkoop.
Presley het die Bybel, wat uit 1 600 bladsye bestaan, tydens sy eerste Kersfees by sy huis in Graceland in 1957 as geskenk van sy oom en tante, Vester en Clettes, gekry.
Die Bybel bevat ook aantekeninge wat deur Presley gemaak is.
Die sanger het op 16 Augustus 1977 in die ouderdom van 42 gesterf.
Ongewaste onderklere van die sanger was ook te koop, maar dit is nie verkoop nie omdat bieërs nie die vasgestelde prys gehaal het nie.
Bieërs het £5,000 (sowat R65 000) vir die onderklere bereik, maar die vasgestelde prys was £7,000 (sowat R91 000).
Die Bybel was namens 'n Britse Elvis-versamelaar verkoop.
'n Amerikaanse man wat in die Verenigde Koninkryk gebaseer is, het die Bybel gekoop, maar hy wil nie geïdentifiseer word nie.
– BBC
– Volg Nuus24 op Twitter
