Alec Baldwin gaan pa word

2013-01-30 18:01

Los Angeles – Alec Baldwin en sy vrou Hilaria Thomas verwag glo hul eerste kind, het The Hollywood Gossip berig.

Baldwin en Thomas, wat al sewe maande lank getroud is, is glo baie opgewonde oor die nuus, maar hulle het tot dusver nog net die nuus met hul naaste vriende en familie gedeel.

“Hulle is altwee so opgewonde en Alec is so verlief op haar,” het ‘n vriendin van Thomas aan In Touch Weekly gesê.

“Hilaria het nog nie vir baie vertel van die swangerskap nie. Sy is so gesond en ‘n joga-fanatikus dat almal dadelik kon sien dat iets anders is. Sy het net vir haar nabye familie en vriende gesê dat sy swanger is.”

Baldwin se verteenwoordigers wou nie die gerug bevestig of ontken nie.

Die 54-jarige ster van 30 Rock, wat ‘n 17-jarige dogter by sy eks-vrou, Kim Basinger, het, het onlangs gesê dat sy enigste wens  vir hul kinders is dat hulle soos Hilaria lyk.

– Volg Nuus24 op Twitter