Akteur ontbloot homself in filmteater

2012-07-20 12:01

Los Angeles – Die akteur Fred Willard, wat bekend is vir sy rolle in Harold & Kumar Go to White Castle, Anchorman en Modern Family, is Donderdagaand in hegtenis geneem nadat hy sy geslagsdele aan fliekgangers ontbloot het, berig Daily Mail.

Die 78-jarige akteur is omstreeks 20:45 (plaaslike tyd) by die Tiki-teater in Hollywood in hegtenis geneem.

Die polisie het gesê hy gee sy volle samewerking aan owerhede.

Hy is later vrygelaat en sal later in die hof verskyn.

Volgens die skinderwebwerf TMZ het polisiebeamptes 'n roetine-inspeksie gedoen toe hulle die akteur met sy broek op sy knieë betrap.

Willard het in 2010 'n Emmy-toekenning ontvang vir die beste gasspeler in ’n komedie nadat hy verskynings in ABC se Modern Family gemaak het.

Hy het die rol van Frank Dunphy, Phil Dunphy se pa, vertolk.

– Lees meer hier

– Volg Nuus24 op Twitter