Akteur ondersoek vir bedrog
2010-07-16 14:18
Madrid - Die Oscar-bekroonde filmster Sean Connery en sy vrou, Micheline, word in Spanje ondersoek oor bewerings van belastingbedrog, het die plaaslike media berig.
Ondersoekers vermoed 'n eiendomsagentskap wat aan die 79-jarige Skotse akteur verbind word het versuim in €1,6 miljoen (sowat R15 mijloen) in belasting te betaal, berig die Spaanse koerant Sur op hul webwerf.
Die onbetaalde belastig spruit glo voort uit die verkoop van ontwikkelingsregte van die grond aan die buitewyke van die Meditereense vakansie-oord Malaga.
Die James Bond-ster, wat tans saam met sy vrou in die Bahamas woon, is in Mei ondersoek vir geldwassery in 'n ondersoek waarby die verkoop van 'n luukse villa betrokke is.
Connery het die villa, genaamd Malibu, in 1999 vir sowat $9 miljoen (sowat R67 miljoen) verkoop.
Volg Nuus24 op Twitter
- Sapa - AFP