Advertensie vir prins William-pop 'misleidend'

2012-10-10 17:59

Londen – 'n Advertensie vir 'n pop wat 'n "outentieke ewebeeld" van die hertog van Cambridge op sy troudag is, is verban omdat dit misleidend is, berig SkyNews.

Die porselein-versamelstuk word in die brosjure van die vervaardiger, Bradford Exchange, beskryf as "handgemaak tot 'n ongeëwenaarde vlak".

"Die wêreld se beste kunstenaars het 'n outentieke ewebeeld van die aantreklike prins op sy troudag geskep," lui die teks saam met 'n foto van die pop wat £149,95 (sowat R2 000) kos.

Die Gesagsowerheid vir Reklamestandaarde (ASA), wat 'n voorbeeld van die pop aangevra het, het saamgestem met 'n klant, wat gesê het die teks is misleidend.

Die ASA het beslis dat die advertensie nie weer in sy huidige vorm moet verskyn nie.

Bradford Exchange het gesê hy het 'n groot aantal van die poppe verkoop en geen ander klagtes ontvang nie.

– Lees meer hier

– Volg Nuus24 op Twitter