5FM kondig nuwe programme aan
2010-04-01 16:01
Kaapstad – ‘n Hele rits nuwe platejoggies en programme sal vanaf April op 5FM te hore wees, het dié landwye radiostasie aangekondig.
Jon Savag (hoofsanger van Cassette), Elma Smit (MK aanbieder), Nicole da Silva (Radio 2000), Dineo Lusenga (YFM), C-Live (YFM) en Thomas Msengana (Metro FM), sal voortaan deel wees van die 5FM-span.
Weeksdae van 22:00 tot middernag, kan luisteraars inskakel vir "5FM Power Nites", wat ‘n wye verskeidenheid nuwe musiek sal aanbied.
John Savage sal verantwoordelik wees vir "Power Nite of Rock", Fikile “Fix” Moeti sal "Power Nite of Pop" aanbied en DJ C-Live van YFM sal die nuutste Hip Hop-treffers op "Power Nite of Hip Hop" speel.
DJ Fresh en Euphonik sal saam "Power Nite of Dance and Kwaito" aanbied.
Aisha Mohamed, 5FM-stasiebestuurder, het gesê dié nuwe program is “in lyn met wat hulle vir 5FM as handelsmerk beplan”.
Hy het bygevoeg dat 5FM “iets vir almal” wil aanbied.
– News24