50 Cent is 'verskriklik siek'

2012-05-17 14:30

Los Angeles – Luidens berigte is die wêreldberoemde kletsrymer 50 Cent as gevolg van ‘n maagvirus in ‘n hospitaal opgeneem.

Die sanger van "In Da Club" het ‘n foto van homself in sy bed op Twitter met sy aanhangers gedeel. Hy het bygevoeg dat hy nie uitsien na sy operasie nie.

XXL Magazine berig die kletsrymer het ‘n maagvirus. Die bokser Floyd Mayweather, wat een van 50 Cent se goeie vriende is, wou nie uitbrei oor die sanger se siekte nie.

Mayweather het aan die Amerikaanse radiostasie V103 gesê dat aanhangers 50 Cent in hul gebede moet hou.

“Hy is verskriklik siek... Ons sal positief bly,” het hy bygevoeg.

Volg Nuus24 op Twitter