3D Avatar-kameras vir konsertopname
2010-02-25 14:44
Parys – Die Franse elektroniese musikant Jean Michel Jarre gaan twee van sy konserte verfilm met dieselfde kameras wat in James Cameron se Avatar gebruik is.
Volgens Jarre het Panasonic, wat die kameras vir die trefferfliek vervaardig het, hom gekontak om twee van sy konserte te verfilm en in hoë-definisie klank op te neem.
Die film van die twee konserte in Strasbourg en Liege, België sal later vanjaar in 3D en 2D vrygestel word, het hy gesê.
“3D is ‘n belangrike revolusie soos om van swart-en-wit na kleur oor te gaan,” het hy bygevoeg.
- Sapa-AFP