Kiesers stroom na stemlokale

2011-05-18 07:59

Kaapstad - Kiesers het Woensdagoggend vroeg in hulle duisende na stemlokale oor die land gestroom om deel te neem aan die plaaslike munisipale verkiesings van 2011.

Die regerende party, die ANC, sal na verwagting die grootste hoeveelheid stemme lok, maar die jongste meningspeilings dui daarop dat die party minder ondersteuning as gewoonlik kan verwag as gevolg van probleme met onder andere dienslewering.

'n Meningspeiling deur Ipsos Markinor, waaraan 2 050 respondente deelgeneem het, toon dat 58.9% van kiesers meen die ANC sal die verkiesings wen. Dit is sewe punte minder as die uitslag voor die verkiesing van 2006.

Die DA sal na verwagting sowat 'n vyfde meer van die stemme kry.

"Dis 'n toets in die sin dat baie mense geïrriteerd is met die ANC, veral arm gemeenskappe in hulle eie basisse," het Adam Habib, 'n analis verbonde aan die universiteit van Johannesburg, gesê.

Twaalf ure van stemmery het om 07:00 begin by 20 868 stemlokale landwyd.

- Volg Nuus24 op Twitter.

- SAPA