DA-steun sover meer in Wes-Kaap

2011-05-19 08:10

Kaapstad – Met 'n derde van die stemme wat reeds in die Wes-Kaap getel is, het die DA se steun met 25 persentasiepunte teenoor die 2006 plaaslike regeringsverkiesing toegeneem, het die SABC Donderdag berig.

Die DA het 83 uit die 114 wyke in die provinsie gewen, terwyl die ANC 31 in Woensdag se verkiesing gewen het.

Die opkoms in die provinsie, met 36% van die stemme wat reeds getel is, was sowat 48%.

In 2006 het die DA 33,3% van die stemme in die provinsie gewen.

Die getalle kan steeds drasties verander, veral met die uitslae van die Kaapse metropool wat nog uitstaande is.

Volg Nuus24 op Twitter

- SAPA