DA kry 6% swart stemme

2011-05-19 10:50

Pretoria – Die Demokratiese Alliansie het nasionaal sowat 6% van swart stemme gekry, het ’n DA-strateeg Donderdag gesê.

"Ons is gelukkig hiermee en ons gaan voortbou op wat ons in die verkiesing geskep het, het Ryan Coetzee gesê.

"Dit is 'n kwessie van momentum en groei... Ons wil meer swart kiesers teen 2014 lok."

Hy het gesê die party wil swart steun van die regerende ANC verskuif. Die DA is gelukkig met die opkoms en vol vertroue dat hy 'n oorwinning van tot 60% in Kaapstad kan behaal.

Die party verwag egter nie 'n oorwinning in die Nelson Mandelabaai-distrik nie.

"Ons het verwag dat die ANC daardie raad gaan wen, gevolg deur die DA en dan Cope. Ons het gehoop dat as genoeg swart kiesers hul steun in dié munisipaliteit verskuif, die ANC nie sy 50% sal kry nie."

Gareth van Onselen, DA-woordvoerder, het gesê die party het Midvaal in Gauteng behou en het nege van die 14 wyke in die gebied gewen.

"Die inligting kom stadig in, maar ons het gehoor dat die DA ook Baviaans in die Oos-Kaap gewen het."

Die party het gesê daar was geen aanduiding van korrupsie tydens Woensdag se verkiesing nie en is "heeltemal gelukkig" met die stemproses.

Volg Nuus24 op Twitter

- SAPA