'Zuma was braaf met afdankings' – Samwu
2011-10-25 13:27
Johannesburg – Pres. Jacob Zuma se besluit om Sicelo Shiceka, minister van samewerkende regering, en Gwen Mahlangu-Nkabinde, minister van openbare werke, af te dank, was braaf en het sy ware leierskap gewys.
Só het die munisipale vakbond Samwu Dinsdag gesê nadat die president dié kabinetsministers die trekpas gegee het.
“Ons verwag niks minder van die president nie en hy het ware leierskap tentoongestel,” het Tahir Sema, ‘n woordvoerder, gesê.
Die vakbond het daarop aangedring dat Shiceka en Mahlangu-Nkabinde afgedank word sedert Thuli Madonsela, openbare beskermer, bevind het dat hulle onwettiglik opgetree het.
Zuma het Maandag op ‘n mediakonferensie by die Uniegebou in Pretoria aangekondig dat Thembelani “Thulas” Nxesi, adjunkminister van landelike ontwikkeling en grondhervorming, die nuwe minister van openbare werke sal word.
Die president het ook gesê dat Richard Baloyi, minister van die staatsdiens en administrasie, die nuwe minister van samewerkende regering is.
Sy aankondiging kom nadat daar wyd bespiegel is oor ‘n moontlike kabinetskommeling.
Zuma het ook aangekondig dat genl. Bheki Cele, nasionale polisiekommissaris, geskors is.
Volg Nuus24 op Twitter
- SAPA