Zuma warm ontvang in Orania

2010-09-14 10:25

Orania – President Jacob Zuma het Dinsdagoggend in Orania in die Noord-Kaap aangekom vir ‘n besoek aan dié Afrikaner gemeenskap.

Die president het kort na 09:00 in ‘n wit Oryx helikopter geland en is deur plaaslike inwoners en skoolkinders verwelkom.

Die stigter van Orania, Carel Boshoff IV, en sy seun Carel Boshoff V, ook die burgemeester van die dorp, het Zuma by die gemeenskapsaal verwelkom.

Zuma is ook deur skoolkinders, wat hoofsaaklik in oranje geklee was, verwelkom.

Boshoff snr. het die president aan gemeenskapsleiers voorgestel voordat hulle weg is vir ‘n privaat vergadering.

Zuma sal na verwagting ná die vergadering besoek aflê aan behuisingsprojekte en verskeie landbouprojekte in Orania.

Volg Nuus24 op Twitter

 

- SAPA