Zuma waarsku gewelddadige betogers
2013-02-15 07:00
Video - Staatsrede 2013
Kyk hier na 'n volledige weergawe van pres. Jacob Zuma se staatsrede vir 2013, wat hy in die parlement in Kaapstad gelewer het.
KYK
Kaapstad – Pres. Jacob Zuma het Donderdag in sy staatsrede gewaarsku dat gewelddadige stakings nie deur owerhede geduld sal word nie.
"Daar is 'n paar lesse van Marikana en ander insidente wat ons nie kan toelaat om weer in ons land te gebeur nie," het hy in sy staatsrede in die parlement in Kaapstad gesê.
"Ons doen 'n beroep op alle landsburgers om die Grondwet te vier, te bevorder en te verdedig," het hy gesê.
Die menseregtehandves verseker dat "almal die reg het om vreedsaam, en sonder wapens, byeen te kom, te betoog, om protesoptogte te hou, en om petisies te oorhandig".
"Ons doen dus 'n beroep op ons mense om hulle regte uit te oefen en om op 'n vreedsame en ordelike wyse te betoog."
Dis onaanvaarbaar as mense se regte geskend word deur gewelddadige betogings, het hy gesê.
"Dis ons plig om die Grondwet as die opperwet van die Republiek te handhaaf, te verdedig en te respekteer. Ons sal geen moeite ontsien om dit te doen nie.
"Om daardie rede het ek die justisie-, misdaadvoorkoming- en veiligheidseenhede beveel om met onmiddellike effek maatreëls in plek te stel om te verseker dat daar aksie geneem word in terme van gewelddadige betogings, [en dat dit] ondersoek en [die skuldiges] vervolg moet word," het hy gesê.
Howe sal dié sake as 'n prioroteit hanteer, het hy gesê.
– Volg Nuus24 op Twitter.
- SAPA
