Zuma vra vir eenheid
2010-02-08 17:00
Kaapstad – Zuma het ‘n beroep gedoen op eenheid by ‘n ANC-vergadering Sondag in die Paarl.
Hy het gesê dat eenheid die sleutel tot die ANC se sukses was en volgens voormalige president Nelson Mandela, was dit die rots waarop die party gebou is.
Elke provinsie, streek en afdeling is ewe belangrik wanneer dit hierby kom, het Zuma gesê.
“En dus moet ons fokus wees om ons organisasie te verenig. Ons moet mekaar soos kamerade liefhê.”
Intussen het die presidensie ‘n persverklaring uitgereik dat alles nog op skedule is vir die staatsrede wat op 11 Februarie deur president Zuma gelewer sal word.
Die president het 11 Februarie as datum gekies om ooreen te stem met die herdenking van die vrylating van Nelson Mandela uit die tronk.
Vir meer, kliek hier
Sapa – Mail & Guardian Online