Zuma vlei almal behalwe een
2010-09-22 16:04
Durban – President Jacob Zuma het Woensdag die sakegemeenskap gevlei, maar een ondersteuner bietjie teleurgestel.
Volgens Jay Ramnundlall, uitvoerende hoof van PC Training Business College, het Zuma net verby hom geloop tydens ‘n uitstalling wat op die kantlyne van die ANC se nasionale vergadering in Durban plaasgevind het.
Ramnundlall wou ‘n groot portret van Zuma vir die president gee.
Hy het aan Sapa vertel dat hy die portret vir hom wou gee om kennis te gee aan Zuma se teenwoordigheid in Durban en hom te bedank vir sy werk wat besigheid makliker maak.
Zuma het egter verby Ramnundlall se stalletjie geloop terwyl die sakeman met die portret staan.
Imtiaz Patel, uitvoerende hoof van SuperSport, het Zuma as “sjarmant en warm” beskryf en gesê hy het werlik belangstellend voorgekom.
Nadat Zuma die uitstalling deurgeloop het, kon Ramnundlall die portret aan hom oorhandig.
Zuma het aan joernaliste vertel dat die heersende party “saam met” besigheid in Suid-Afrika is. Hy het die verhouding as “wonderlik” beskryf.
“Politiek en besigheid gaan saam,” het hy gesê.
Volg Nuus24 op Twitter.
- SAPA