Zuma verklaring oor belange Woensdag verwag

2010-03-09 04:34

Johannesburg - President Jacob Zuma het begin om 'n lys saam te stel van al sy belange, en maak gereed om dit te verklaar, indien sy regsadviseur aandui dat hy dit moet doen.

Vroeër vandag het die DA gesê hy sal die Openbare Beskermer nader om te ondersoek of die president die Uitvoerende Etiese Gedragskode oortree het, omdat hy 'n jaar na sy inhuldiging nog nie sy belange verklaar het nie.

Sy kantoor het verklaar dat die verklaring van belange, in geval Zuma dit moet indien,  die belange van sy uitgebreide familie en kinders sal insluit.

Zuma het drie vrouens en 20 kinders.

– Sapa