Zuma-troue 'uit die Donker Eeue'
2010-01-05 02:59
Durban - Die leier van die Christelike Demokratiese Party het pres. Jacob Zuma se tradisionele troue as 'n "reuse-stap terug na die Donker Eeue" beskryf.
Zuma se troue Maandag met 'n vrou "by wie hy glo reeds drie kinders het, en die kommerwekkende terugkeer na aanbidding van die voorvaders is 'n reuse-stap terug na die Donker Eeue toe," het ds. Theunis Botha Dinsdag gesê.
Die tradisionele aanbidding van die voorvaders is wat Afrika in die verlede gekniehalter het. Dié tradisie, nie kolonialisme nie, het die kontinent in die kake van bygeloof en armoede gehou, meen Botha.
Die dominee is ook waarnemende hoof van die Christelike Demokratiese Alliansie.
"Kerke het 'n verantwoordelikheid om voorvaderaanbidding aan te spreek," het Botha gesê.
Zuma het Maandag tydens 'n tradisionele huwelikseremonie met sy vyfde vrou, Thobeka Madiba, getrou.
Die president se ander vroue sluit in Sizakele Khumalo - met wie hy in 1973 getrou het - asook Nompumelelo MaNtuli-Zuma.
Hy was voorheen wettig getroud met Kate Zuma. Sy het in 2000 gesterf. Hy was ook getroud met Nkosazana Dlamini-Zuma, minister van binnelandse sake. Hulle is egter in 1998 geskei.
Zuma is die pa van 18 kinders.
Hy is glo ook verloof aan Gloria Bongi Ngema van Durban.
- Sapa