Zuma se gewildheid neem weer toe
2010-08-17 10:53
Kaapstad – Openbare goedkeuring van president Jacob Zuma het weer herstel ná ‘n “katastrofiese” daling in die eerste kwartaal, het ‘n maatskappy wat opnames doen Dinsdag gesê.
TNS Research Surveys het gesê dat Zuma se 58% stemme van goedkeuring in metro-areas aan die einde van 2009, na 43% in Februarie gedaal het.
Dit was die grootste afname in ‘n president se beoordelings in 15 jaar.
“Sy goedkeuring-stemme het gedeeltelik herstel na 51% teen die einde van Mei,” het TNS gesê.
Die afname in Februarie was gedurende ‘n tyd wat Zuma se persoonlike lewe baie onder die kollig was en waar daar toenemend baie dienslewering-optogte was.
Daar was ook sterk provinsiale verskille in die stemme.
In Gauteng het die stem ten gunste van Zuma van 47% na 57% gegroei, terwyl dit in Soweto van 50% na 70% gegroei het.
Zuma se gewildheid was die laagste in Kaapstad, met ‘n klein toename van 23% na 24%.
In Oos-Londen het sy gewildheid van 47% na 71% gegroei, terwyl dit in Bloemfontein ‘n styging van 48% na 65% gesien het.
Die opnames is gebaseer op onderhoude met 2 000 volwassenes in sewe groot metropolitaanse areas.
Volg Nuus24 op Twitter
- SAPA