Zuma sal in 'eenvoudige' huis woon
2011-11-01 13:11
Kaapstad – Pres. Jacob Zuma het gesê indien hy kon, sou hy anders besluit het oor miljoene rande se opknappingswerk aan sy ampswoning in Pretoria.
Hy het Dinsdag op 'n sake-ontbyt gesê hy het uit vir die eerste keer van die opknappingswerk uitgevind toe hy daarvan in die koerante gelees het.
"Ek wens ek was die een wat besluite neem oor opknappingswerk aan ampswonings," het Zuma gesê.
"Die besluite word deur spesifieke departemente geneem sonder om my te raadpleeg. Jy weet nie eers hoeveel dit kos nie. Jy sien dit net in die koerante."
Zuma sê hy sou anders besluit het.
"Ek is seker my besluite sou anders wees. As president het ek geen probleem om in my eie eenvoudige huis te woon nie."
Hy is egter bang daarvoor om 'n diktator genoem te word.
"Ek wens ek kon alles omvergooi, maar dan sal hulle my 'n diktator noem," Zuma gesê.
"Julle sal sê die president is 'n diktator. Jy kan nie diktators in die land hê nie."
Die ministerie van openbare werke het verlede maand vermoedelik verkeerde inligting oor die koste van R170 miljoen vir die opknappingswerk wat aan Zuma se ampswoning in Pretoria gemaak sou word.
Dit het egter aan die lig gekom dat die voorgestelde opknappingswerk in Maart gekanselleer is.
– Volg Nuus24 op Twitter
- SAPA