Zuma sal VN vergadering mis ter wille van ANC
2010-08-22 11:53
Johannesburg - President Jacob Zuma sal die Verenigde Nasies se algemene vergadering in September misloop, omdat hy eerder die vergadering van die ANC se nasionale algmene raad wil bywoon.
Die presidensie het volgens die Sunday Independent bevestig dat Zuma 'n senior regeringsafvaardiging na die VN-vergadering in New York sal stuur, want die nasionale algemene raad "kom eerste".
Die VN se algemene vergadering begin die 23ste September en Zuma was veronderstel om die vergadering op die 25ste toe te spreek.
Presidensiële woordvoerder, Zizi Kodwa, het gesê Zuma se besluit het niks te doen met bewerings van 'n beplande opstand binne die ANC nie.
- SAPA