Zuma-plakkate by lughawe verwyder

2012-08-19 07:33

Kaapstad – Plakkate waarop president Jacob Zuma uitgebeeld word wat 'n leeuwyfie wil skiet, is by die OR Tambo-lughawe in Johannesburg verwyder, het RSG Sondag berig.

Die Lughawensmaatskappy van Suid-Afrika, het Primedia opdrag gegee om die plakkate uit die lughawe se aankomssaal te verwyder.

Dit is namens 'n internasionale nie-regeringsorganisasie op pilare aangebring.

Die plakkate is deel van 'n veldtog om die jag van sogenaamde geblikte leeus te stop en te verhoed dat die diere se organe aan die Verre-Ooste verkoop word.

Die koordineerder van die veldtog wat in Kanada is, Emma Ruby-Sachs, sê hulle wil die saak hof toe neem.

Sy sê die organisasie is van mening dat die plakkate weens politieke inmenging verwyder is.

Volg Nuus24 op Twitter.

– RSG