Zuma paai oor hoofregter
2009-08-19 15:27
Kaapstad - Pres. Jacob Zuma het die verklaring uitgereik deur die opposisie partye verwelkom waarin hulle ondervoorsitter Dikgang Moseneke bo-oor Sandile Ngcobo as die nuwe hoofregter benoem.
Zuma het gesê hy is bly om insae van ander partye te ontvang.
Hulle het Zuma daarvan beskuldig dat hy die opposisie se nominasies ondermyn het en ongrondwetlik opgetree het met sy benoeming.
"Ek wil graag hê hulle moet my help wanneer ek fouteer,” het Zuma gesê nadat hy Woensdag met die DA-LP Athol Trollip vergader het.
Die DA, Cope en OD glo dat Moseneke ‘n beter kandidaat vir die posisie sal wees, omdat hy reeds vier jaar lank as ‘n plaasvervanger gedien het.
Die partye het ook gesê Zuma het hulle mening verontagsaam en sy besluit as finaal bestempel deur by ‘n mediakonferensie te sê Ngobo is as hoofregter “aangewys”.
Die president het gesê hy het homself verkeerd uitgedruk.
"Dit was ‘n spraakfout,” het hy gesê en vir die partye gevra om eerder op die brief wat hy voor sy uitspraak aan hulle gerig het en waarin hy hulle kommentaar gevra het, te fokus.
Hy het gesê die briewe het die onderskeie partye net nie betyds bereik nie.
- Sapa