Zuma ontken onenigheid
2009-09-21 14:52
Midrand- President Jacob Zuma het Maandag tydens die vakverbond Cosatu se 10de jaarlikse kongres die beweerde onenigheid tussen die vakverbond en die regering, oor die stakende soldate, onderspeel.
Hy het gesê dat die ANC begrip het daarvoor dat die rol van militêre unies is om vereistes aan die werkgewers te stel.
Sidumo Dlamini, die president van Cosatu, het aan kongresgangers gesê dat hulle met alle krag sal veg vir die regte van die soldate.
Zuma het die soldate se gewelddadige betogings vroeër as “afgryslik” beskryf.
Lindiwe Sisulu, minister van verdediging en militêre veterane, het kort na die voorval briewe aan sowat 1300 van die betogende soldate gestuur om hulle daarvan in kennis te stel dat hulle afgedank is.
Sy het glo gesê dat dit ‘n fout was om soldate toe te laat om aan unies te behoort. Hulle is nog nie afgedank nie hangende 'n uitspraak deur die hooggeregshof in Pretoria.
– Sapa