'Zuma moet seksterapie kry'
2010-02-01 22:13
Johannesburg – Opposisiepartye het Maandag vir president Jacob Zuma gesê dat hy moet ophou om soos ‘n “gigolo” op te tree en eerder vir seksterapie moet gaan.
Die ANC het die kommentaar verwerp.
“Ons siening is dat ‘n saak tussen twee volwassenes hulle eie, persoonlike saak is,” het die ANC in ‘n verklaring gesê.
“Hierdie ongegronde aanval op die president is nie opreg nie. Die president het niks verkeerd gedoen nie. Daar is niks “skandeliks” aan twee volwassenes wat ‘n verhouding het nie.”
Opposisiepartye het woedend tgereageer op ‘n mediaberig oor die naweek wat aanvoer dat Zuma ‘n kind gehad het by die dogter van een van sy goeie vriende, ‘n top-organiseerder van die 2010 Wêreldbeker-sokkertoernooi.
Vir meer, lees by iol