Zuma moet sê oor werkskepping, eis Cosatu
2013-02-14 15:41
Johannesburg – Cosatu sê hy verwag dat werkskepping een van die belangrikste prioriteite van pres. Jacob Zuma se staatsrede sal wees.
Patric Craven, woordvoerder van die vakverbond, sê hy verwag dat die fokus op werkskepping, onderwys, gesondheid, misdaad en korrupsie, en landelike ontwikkeling sal wees.
RSG berig dié vyf prioriteitsgebiede is in 2009 in die ANC se verkiesingsmanifes geïdentifiseer.
Craven sê die vakbondfederasie hoop om uit te vind watter vordering gemaak is met werkskeppingsplanne, veral in die lig van swak indiensnemingsyfers wat verlede week uitgereik is.
Volgens berigte sal die koste van die parlementsopening R6,8 miljoen beloop. Die sekretaris van die parlement sê die koste van die geleentheid, is aan verskeie faktore te wyte, onder meer bemarking, veiligheidsmaatreëls, vervoer en etes.
Volg Nuus24 op Twitter
