Zuma klop Joost en Caster
2010-01-14 16:35
Johannesburg – President Jacob Zuma is as nuusmaker van 2009 aangewys.
Hy skop dus nou stof in die oë van Julius Malema, ANC-Jeugliga president, die atleet Caster Semenya asook Joost van der Westhuizen, voormalige Springbok rugbykaptein, het die Nasionale Persklub Donderdag aangekondig.
“President Zuma was gedurende 2009 vir verskeie redes in die nuus. Hy het koerantspasie sowel as elektroniese nuus oorheers,” het Yusuf Abramjee, voorsitter van die Persklub gesê.
Die verkiesingsveldtog, die terugtrekking van die korrupsie-aanklagtes teen Zuma asook sy verkiesing tot president het hom gereeld in die kollig geplaas.
Ander kwessies sluit in die stigting van die presidensiële inbellyn, Zuma se keuses vir die aanwysings van ‘n nuwe hoof van justisie, nuwe nasionale direkteur van publieke vervolging asook ‘n nuwe nasionale polisiekommissaris.
Die toekenning gaan aan hom oorhandig word, maar daar moet nog op ‘n datum besluit word.
Zuma het in 2005 ook hierdie toekenning gewen as gevolg van sy hofsake. In 2008 was hy wel vir die toekenning genomineer, maar die Congress of the People (Cope) en Eskom was as die wenners aangewys.
- Sapa