'Zuma is goeie voorbeeld' – Motlanthe

2012-12-07 12:05

Potchefstroom – ‘n Moontlike leierskapstryd binne die ANC was vergete toe adj.pres. Kgalema Motlanthe tydens ‘n toespraak pres. Jacob Zuma as ‘n goeie voorbeeld van ‘n leier beskryf het.

“President Jacob Zuma se lewe is ‘n voorbeeld van hoe positiewe denke floreer...” het die adjunk-president Donderdag in Potchefstroom gesê.

Sapa berig Motlanthe het vertel hoe Zuma, wat uit ‘n armoedige agtergrond kom, in ‘n gerespekteerde leier verander het.

Hy het ‘n lesing gegee ter ere aan die president. Die toespraak het deel gevorm van die ANC se eeufeesvieringe. 

Motlanthe is deur drie provinsies as hul gunsteling-kandidaat vir die leier van die ANC benoem. Hy het nog nie aangedui of hy die benoeming gaan aanvaar nie.

Intussen het Mail & Gaurdian skok-onthullings oor Zuma se finansies bekendgemaak.

Volg Nuus24 op Twitter