Zuma het wél verband, sê presidensie

2012-11-20 11:55

Kaapstad – Pres. Jacob Zuma het wel ‘n verband op sy huiskompleks in Nkandla, KwaZulu-Natal, uitgeneem, het die presidensie in ‘n verklaring gesê.

Mac Maharaj, woordvoerder vir die president, sê die presidensie het "kennis geneem" van die naweek se mediaberigte wat beweer dat Zuma nie ‘n huisverband het nie.

Hy het bevestig dat die president wel ‘n verband op die woning het en dit steeds "maandeliks afbetaal."

City Press het berig dat die grond waarop die president se landgoed gebou is deur die Ingonyama-trust besit word.

Die trust staan onder leiding van koning Goodwill Zwelithini en bedryf sowat 32% van alle grond in KwaZulu-Natal namens die staat.

Volgens City Press kon die koerant geen openbare rekords kry om Zuma se bewering dat daar 'n verband op sy Nkandla-landgoed is, te staaf nie.

Volg Nuus24 op Twitter