Zuma hartlik verwelkom by Buckingham Paleis
2010-03-03 20:06
Londen – Koningin Elizabeth II het president Jacob Zuma Woensdag ‘n hartlike verwelkoming gegee by die begin van sy staatsbesoek, wat afgeskop het met ‘n koetsrit na Buckingham Paleis.
Die koningin, wat in koninklike pers geklee was, is vergesel deur haar man Prins Philip en eerste minister Gordon Brown by die seremonie.
As ‘n teken van respek het Brown sy weeklikse “vrae tyd” in die parlement oorgeslaan om Zuma te verwelkom.
Die besoek sluit ‘n elegante banket in Woensdagaand by die paleis, waar Zuma en sy vrou sal tuisgaan, sowel as ‘n besoek aan Prins Charles by Clarence House.
Zuma beplan ook om Oliver Tambo, wat ‘n leiersfiguur in die stryd teen apartheid was, se huis in noord Londen te besoek.
Dit is president Zuma se eerste besoek aan Brittanje sedert hy in 2009 president geword het.
Sommige Britse koerante was krities oor Zuma, wat ‘n poligamis is, sowel as oor die feit dat hy vrygespreek is van verkragtingsklagtes.
- Sapa - AP