Zuma bring hulde aan wit aktiviste
2012-01-08 19:25
Bloemfontein – President Jacob Zuma het Sondag spesiale hulde gebring aan sommige wit aktiviste wat hulself aan demokratiese verandering in die land toevertrou het.
“Die ANC het nog altyd en koester nog steeds (hul) bydrae,” het hy aan duisende Suid-Afrikaners gesê wat die braaf genoeg was om in die skroeiende hitte by die Vrystaat-stadion saam te kom.
“Hierdie eenheid oor verdeeldhede versterk die ANC.”
Zuma het gesê swart mense was tot objekte gereduseer totdat hulle in 1912 saamgekom het om teen die apartheidstelsel te veg.
Hy het bygevoeg dat dit gedoen is met die ondersteuning van die Afrika-kontinent en die internasionale gemeenskap.
Zuma het hoogtepunte aangehaal van die party se 100 jaar van ‘n “selflose” stryd.
Hy het gesê dit het begin met die ANC se stigter, Pixley Ka Isaka Seme, wat ‘n beroep gedoen het op die Afrika-mense om saam te staan en rassisme te begrawe.
Zuma het die ANC beskryf as ‘n gedissiplineerde mag van die linkses, met ‘n voorkeur vir armes.
Zuma het gesê die eeufeesviering is emosioneel, maar ‘n opwindende gebeurtenis.
Hy het verder hulde gebring aan 134 Suid-Afrikaanse patriotte, waarvan meeste van hulle Umkhonto We Sizwe-soldate was, soos Solomon Mahlangu, wat tydens die apartheidsregering in Pretoria tereggestel is.
“Ons vryheid was definitief nie verniet nie. Dit is verkry deur die bloed, sweet en trane van baie selflose, revolusionêre mense en die raamwerk van ons beweging.”
– Volg Nuus24 op Twitter
- SAPA