Zuma betreur lugmag-vliegongeluk
2012-12-07 15:00
Fotogalery - Dakota-wrak gevind
klik op klein foto bo om groter prentjie te sien
Johannesburg – President Jacob Zuma het sy meegevoel betuig met die families van die 11 mense wat dood is toe 'n Dakota-vliegtuig van die Suid-Afrikaanse lugmag in die Drakensberge neergestort het.
"Hierdie tragiese voorval het erge smart aan die gesinslede en ook aan ons gebring," het die president Vrydag in 'n verklaring gesê.
"Hulle het gesterf terwyl hulle 'n onselfsugtige diens aan die staat en die nasie verrig het."
Zuma het bygevoeg dat dit nie net 'n verlies vir die lugmag is nie, maar ook vir die Suid-Afrikaanse weermag en die hele land.
"Ons kan ons nie probeer indink deur watter pyn die families moet gaan nie."
Die C47 Dakota-vliegtuig het in die Drakensberge naby Ladismith neergestort nadat dit Woensdagoggend omstreeks 08:00 van die
Waterkloof-lugmagbasis in Pretoria opgestyg het.
Die vliegtuig was na Mthatha
in die Oos-Kaap onderweg met ses bemanningslede en vyf passasiers aanboord.
Volg Nuus24 op Twitter.
- SAPA
