Zuma besluit gou oor Cele se lot
2011-09-26 09:16
Johannesburg – Pres. Jacob Zuma sal seker maak hy volg die regte stappe voor hy 'n besluit maak om genl. Bheki Cele te skors, het die presidensie gesê.
Die Sunday Times het berig dat Zuma vandeesweek teen Cele sal optree.
Adv. Thuli Madonsela, Openbare Beskermer, het Cele skuldig bevind aan wangedrag nadat 'n tender vir polisiehoofkwartiere aan die omstrede sakeman Roux Shabangu toegeken is.
Zuma het verlede week gesê Cele moes redes aanvoer hoekom hy nie geskors moet word nie.
Mac Maharaj, presidensiële woordvoerder, het gesê Zuma het nog nie 'n finale besluit gemaak nie.
"Die president sal sy finale besluit maak en 'n aankondiging maak wanneer hy gereed is. Daar is geen aanduiding dat hy 'n besluit gemaak het nie."
– Lees meer hier
– Volg Nuus24 op Twitter