Zuma-befondser kry reuse-kontrak

2013-01-18 11:25

Johannesburg – ‘n Kontrak van R1,25 miljard om elektrisiteitmeters aan die Stad Johannesburg te verskaf, is glo gemanipuleer om die sakeman Vivian Reddy – wat na bewering ‘n goeie vriend van pres. Jacob Zuma is – te bevoordeel, het ‘n koerant onthul.

Mail & Gaurdian berig ‘n aantal ongerymdhede is in dié kontrak opgespoor.

Volgens die koerant was daar gedetailleerde aantygings dat ‘n tegniese evalueringspuntestaat aangepas is om die uitslae vir die sakeman se maatskappy, Edison Power, te verbeter.

Die aangepaste punte het veroorsaak dat ‘n ander tenderaar, Hefcom, nie genoeg punte gekry het nie. 

Hefcom sou eintlik beter punte as Reddy se maatskappy gekry het, en die mededinger se koste vir sy dienste sou ook die helfte van Edison s’n wees.

Die koerant berig die Stad Johannesburg en City Power, wat die meters aangekoop het, het ontken dat enige ongerymdhede betrokke was.

Volg Nuus24 op Twitter

- SAPA