Zuma: Vrouebemagtiging meer as net getalle
2009-08-15 10:06
Johannesburg – Pres. Jacob Zuma sê geslagsgelykheid en die bemagtiging van vroue gaan oor meer as die persentasie van vroulike verteenwoording in die regering.
Zuma het Vrydagaand tydens ‘n toespraak voor die Progressive Women’s Movement gesê vroue moet hul lewens sonder vrees, vernedering en mishandeling kan leef.
Die president het gewaarsku teen ‘n tekort aan vroue in die politiek en in belangrike posisies.
“Dit word telkens bewys dat ‘n tekort aan vroue in besluitnemingsposisies ‘n negatiewe effek op die ontwikkeling van ‘n nasie het,” het Zuma verduidelik.
Die nuwe Wet op Gelykheid, wat ontwikkel word deur die departement van vroue, jeug, kinders en mense met gestremdhede, sal 50% vroulike verteenwoordiging in nasionale, provinsiale en plaaslike regering verpligtend maak.
-Sapa