Zuma: Shaik kan weer tronk toe
2009-11-25 13:10
Michael Hamlyn
Kaapstad – Volgens pres. Jacob Zuma kan sy voormalige finansiële adviseur, Schabir Shaik, moontlik weer in die tronk beland, het I-Net Bridge berig.
Shaik is huidiglik op mediese parool.
Zuma het reageer op ‘n navraag in die parlement vanaf Cope se Anele Mda. Volgens hom bestaan daar sekere maatreëls binne die korrektiewe dienste se handeling waaraan ‘n gevangene moet voldoen as hulle op parool is.
“Ek is ingelig oor die situasie. Die departement van korrektiewe dienste het nog geen formele klagtes teen die genoemde persoon ontvang nie,” het Zuma gesê.
Hy het bygevoeg dat die minister van korrektiewe dienste gevra het dat die nasionale raad op korrektiewe dienste die wetgewing rakende mediese parool moet hersien.
“Hierdie versoek is aan die nasionale raad gerig omdat daar probleme bestaan met hoe die mediese parool op hierdie tydstip werk. Die raad moet teen die einde van November ‘n verslag aan die minister oorhandig,” het Zuma gesê.
In dieselfde asem het hy ook genoem dat ‘n inter-ministeriële komitee saamgestel sal word om kwessies van korrupsie aan te spreek.
– I-Net Bridge