Zuma: "Praat oor probleme"
2009-09-29 12:07
Johannesburg – President Jacob Zuma het Dinsdag bevelvoerders van polisiestasies aangemoedig om te praat oor die probleme wat hulle in die gesig staar in terme van Suid-Afrika se groeiende misdaadsyfer.
“Julle moenie bang wees nie,” het Zuma in sy vergadering met 1000 bevelvoerders in Pretoria gesê.
“Ons verwag ‘n oop en direkte gesprek. Almal hier het die reg om te praat en as ons nie doen nie gaan dit nie help met die werk wat voor ons as die polisiemag lê nie.”
Zuma het by die Voortrekker Monument gepraat en gesê dat dit belangrik is om die polisieamptenare te ontmoet wat op ‘n daaglikse basis met die publiek werk.
“Die plaaslike polisiestasie is die gesig van die polisiediens tussen ons mense. Mense se persepsies oor hoe goed of sleg die polisie is, word grootliks baseer op interaksies wat by die polisiestasie plaasvind.”
Misdaadstatistieke is nog hoog en hy het weer gesê dat die regering toegewy is om die misdaadsyfers af te bring.
Die vergadering het ‘n week nadat die jaarlikse misdaadstatistieke vrygestel is gekom.
Die nuutste misdaadsyfers het getoon dat ongeveer 50 mense in Suid-Afrika op ‘n dag vermoor word, terwyl inbrake by besighede met 41.5% en huisbrake met 27.3% toegeneem het
Zuma sal ook met die polisie bespreek “hoe om die geveg teen misdaad verder te vat.”
“Die vergadering maak deel uit van president Zuma se poging om met staatsamptenare wat in dienslewering is te ontmoet om te verseker dat hulle die regering se doelwitte vanuit die hoogste kantoor verstaan,” het sy kantoor gesê.
- Sapa