Zuma: Heath is nie my vriend
2011-12-11 14:30
Kaapstad – Druk laai op teen adv. Willem Heath, hoof van die Spesiale Ondersoekeenheid, met die regering wat bevestig het dat hy ondersoek word en pres. Jacob Zuma wat sê die voormalige regter is "nie 'n vriend nie".
Jeff Radebe, minister van justisie, het Saterdag gesê hy ondersoek bewerings wat verlede week in 'n onderhoud deur Heath gemaak is en hoop om binne die volgende paar dae terugvoer aan die president te gee.
Heath het die verlede naweek in ’n onderhoud met die Sondagblad City Press Mbeki daarvan beskuldig dat hy die bal aan die rol gesit het met betrekking tot die verkragting- en korrupsieklag teen Zuma in die aanloop tot die Polokwane-leierstryd in 2007. Mbeki het dié bewerings ontken.
Zuma het die afgelope week in 'n onderhoud ontken dat hy en Heath vriende is. Die voormalige regter het as Zuma se regsadviseur opgetree toe die president tereggestaan het op aanklagte van verkragting en korrupsie.
"Wanneer jy 'n regsverteenwoordiger aanstel, beteken dit nie hy is jou vriend nie. Soms huur jy 'n regsverteenwoordiger en die volgende dag staan hy aan die ander kant," het Zuma gesê.
Zuma het homself van Heath se bewerings gedistansieer.
– Lees meer hier
– Volg Nuus24 op Twitter