Zuma: Gewelddadige betoging is uit
2009-10-20 12:29
Kaapstad - Die regering sal nie geweld en vandalisme tydens betogings teen swak dienslewering duld nie, het pres. Jacob Zuma Dinsdag gesê.
Zuma het tydens 'n toespraak in Kaapstad aan 280 burgermeesters en munisipale bestuurders gesê daar is "niks" wat die geweld en saakbeskadiging tydens onlangse protesaksies regverdig nie.
Suid-Afrika het die afgelope twee maande deurgeloop onder 'n vlaag gewelddadige protesoptredes teen swak dienslewering. Die polisie moes op verskeie geleenthede rubberkoeëls en traangas teen betogers gebruik.
Volgens die president het die land 'n "trotse geskiedenis" van protes teen onregverdigheid en ongeregtigheid.
"Maar," het die president gesê, "probleme word nie opgelos deur biblioteke, huise en winkels af te brand nie."
Die president het egter te kenne gegee dat sekere van die kwessies waarteen daar betoog is dringende aandag benodig.
- Sapa