Zuma: Ek kan nie vervolg word nie
2010-06-08 02:46
Pretoria – President Jacob Zuma het Maandag in hofdokumente aangevoer dat hy nie onderhewig aan kriminele vervolging is nie, omdat dit hom sal hinder om sy werk te doen.
Dit kom nadat die DA Maandag ‘n aansoek by die hooggeregshof in Pretoria ingedien het wat die nasionale vervolgingsgesag (NVG) versoek om hulle “irrasionele en arbitrêre” besluit, om Zuma nie te vervolg nie, te verduidelik.
Zuma, tesame met die NVG, het Maandag die DA se aansoek teengestaan en gesê dat enige kriminele vervolging van die president hom sal verhoed om sy werk te doen.
Volgens Zuma sal dit beide sy plaaslike en internasionale verhoudinge affekteer en Suid-Afrika in ‘n swak lig plaas gedurende die Wêreldbeker-sokkertoernooi.
Die DA het versoek om toegang te verkry tot Zuma se hofdokumente, maar die NVG hou voor dat dit nie aan dié politieke party oorhandig moet word.
“Aan die einde van die dag is daar belangriker goed om te doen as om miljoene dokumente deur te gaan, wat heel moontlik slegs vir akademiese doeleindes gebruik sal word,” het die NVG se regsverteenwoordiger, Paul Kennedy, gesê.
Beide die NVG en Zuma het die hof versoek om nie toegang tot die dokumente aan die DA te verskaf nie. Hulle wou selfs nie eers hê dat die DA hulle hande kry op ‘n verkorte weergawe van die verslag nie, wat glo “konfidensiële” inligting oor Zuma en verskeie ander persone bevat.
Volg Nuus24 op Twitter.
- SAPA