Zuma: Ek is lief vir al my vroue
2010-01-28 18:59
Davos, Switserland - Pres. Jacob Zuma het sy poligamie voor 'n groep sake en politieke hooggeplaastes verdedig en gevra dat die Zoeloe-kultuur aanvaar word.
Zuma (67) is vroeër vandeesmaand getroud.
Hy het tans drie vroue. Sy ander vrou is in 2000 dood en hy is in 1998 van 'n vyfde vrou geskei.
Fareed Zakaria, redakteur van Newsweek International, het Zuma oor sy "baie vroue" gevra, waarna Zuma gesê het hy glo in "die gelykheid van vroue".
Zakaria het toe vir Zuma gevra of hy al sy vroue ewe lief het.
"Absoluut," het Zuma gesê terwyl mense in die gehoor gelag het.
"Vir baie mense in die gehoor sal dit 'n uitdaging wees om met een persoon getroud te wees," het Zakaria geantwoord.
– Sapa-AP