Zuma: 15 biljoen vir behuising
2010-06-19 20:24
Johannesburg – Die regering beoog om R15 biljoen op behuising te spandeer, het Jacob Zuma aangekondig.
Zuma het dié aankondiging by die opening van ‘n behuisingsprojek in Oos London gemaak.
Die president het die loods van 8 000 behuisingsprojekte landwyd bekend gemaak.
“Ons gaan ook baie van die 2 700 informele nedersettings wat langs stadsgebiede ontstaan het opknap om die lewensgehalte van inwoners te verbeter,” het die president belowe.
Volgens Zuma maak die departement van menslike nedersettings ‘n punt daarvan om behuising te bied in areas wat naby ekonomiese geleenthede, vervoer en stedelike gebiede is.
Zuma het ‘n beroep op die jeug gedoen om self verantwoordelikheid te neem vir die verfraaiing van dié nedersettings deur bome, plante en groentetuine te plant.
“Dit is ons verantwoordelikheid om te bewys dat groen woonbuurte oral moontlik is,” het hy gesê.
Volg Nuus24 op Twitter.
- SAPA