Zim-vroue vas oor gesmokkelde sigarette
2009-10-18 08:22
Johannesburg - Twee Zimbabwiese vroue is in hegtenis geneem vir die smokkel van nagemaakte sigarette ter waarde van R40,000 in Musina, het die Limpopo-polisie Sondag gesê.
Volgens supt. Mohale Ramatseba het die polisie die twee vroue tydens 'n misdaadvoorkomingsoperasie voorgekeer en 300 bokse sigarette en R600 000 kontant by hulle gekonfiskeer.
"Ons vermoed die geld is gegenereer deur die verkoop van gesmokkelde sigarette," het hy gesê.
Altesaam 54 mense is gedurende die naweek in die gebied gearresteer vir misdade soos die besit van dagga, bestuur sonder 'n lisensie, roekelose en nalatige bestuur en vir drankgebruik en urinering in die openbaar.
"'n Klopjag is op gelisensieerde en ongelisensieerde drankwinkels uitgevoer en die meeste mense is gekry waar hulle buite drankwinkels drink in stryd met die drankwet," het Ramatseba gesê.
Almal wat gearresteer is, buiten die twee vroue van Zimbabwe en 'n paar dronkbestuurders, het skuld erken en boetes tussen R100 en R1,000 betaal.
Die twee vroue en vier dronkbestuurders sal na verwagting Maandag in die Musina-landdroshof verskyn.
- Sapa