Zim-boer verloor appèl teen SA regering

2011-04-04 18:00

Bloemfontein – Die appèlhof in Bloemfontein het 'n uitspraak van die Noord-Gautengse hooggeregshof ter syde gestel waarin die Suid-Afrikaanse regering opdrag gegee word om die bekende boer Crawford von Abo te vergoed vir die miljoene rande skade wat hy aan die hand van die Zimbabwiese regering gely het.

Die appèlhof sê die hooggeregshof het groot foute gemaak in sy uitspraak.

Die hof sê egter die regering het nie voldoende gereageer op Von Abo se talle versoeke vir diplomatieke beskerming nie en is 'n voorbeeld van hoe die regering nié mense moet beskerm nie.

Die hof het egter tot die gevolgtrekking gekom dat die regering nie verantwoordelik gehou kan word vir skade wat die Zimbabwiese regering aan Von Abo aangerig het nie.

– RSG

Volg Nuus24 op Twitter