Zille kla ANCYL aan oor intimidasie

2012-08-01 19:08

Johannesburg – Aanklagte van intimidasie is deur die Wes-Kaapse premier Helen Zille by ’n polisiestasie in Kaapstad aanhangig gemaak nadat die ANC-jeugliga gedreig het om die provinsie onregeerbaar te maak.

“Vanmiddag het ek en die burgemeester, Patricia de Lille, formele kriminele aanklagte teen die ANC-jeugliga [en vier ander organisasies] gelê... wat betrekking het tot sekere misdrywe wat gepleeg is, soos uiteengesit in die Wet op Intimidasie van 1982,” het Zille in ’n verklaring gesê.

“Die dreigement is gemaak nadat ’n aantal gewelddadige diensleweringsbetogings onlangs in die stad plaasgevind het. “

Vrydag het die Dullah Omar-streek van die ANC-jeugliga ’n memorandum namens homself, die ANC, die ANC-vroueliga en twee taxi-verenigings aan die premier se kantoor oorhandig.

Zille het gesê die vyfde bladsy van die memorandum vervat ’n dreigement wat lees: “Ons eis dat daar binne sewe werksdae op die bogenoemde eise gereageer word. Versuim om daarop te reageer sal daartoe lei dat die bogenoemde rolspelers die stad en die provinsie onregeerbaar sal maak! Amandla!”

– Volg Nuus24 op Twitter.
 

- SAPA